السلام عليكم اخواتي جيتكم اليوم بوصفة قاطو النسكافيه (امممممم) بزاف بنينة و بريسونتابل يا الله معايا نتعرفو على المقادير
250غ زبدة 2بيض.كاس سكر رطب.كاس نشا
5 مغارف كاكاو.2مغارف نسكافيه.باكي خميرة القاطو.ذرة ملح.فرينة.
في وعاء خلطي الزبدة و السكر مليح ثم البيض و خلطي +الكاكاو النسكافيه الخميرة النشاء و نشفي بالفرينة حتى تتحصلي على عجينة طرية شوية خذي مول نتاع السيليكون مربع و شكلي دوائر صغيرة من بعد حطيهم في المول باش ياخذو شكل المول من بعد الى الفرن على درجة180° حتى يطيب ثم خليه يبرد وغلفيه بالشوكولا السوداء وفي الوسط احشيه بالنستلي
ارجو ان تعجبكم جربوه
